سابق برطانوی فوجی نے اپنی پیٹھ پر فریج رکھ کرتین چوٹیاں سرکرنے کا چیلنج پورا کردیا۔

برطانوی نشریاتی ادارے کے مطابق اسٹیفورڈ سے تعلق رکھنے والے مائیکل کوپلینڈ نے انگلینڈ، اسکاٹ لینڈ اور ویلز کی تین بلند ترین چوٹیوں کو صرف 24 گھنٹوں میں سر کر کے خیراتی ادارے کے لیے رقم جمع کی۔

اپنی اس شاندار کامیابی کے بعد مائیکل کوپلینڈ کا کہنا تھا کہ سب سے بڑا چیلنج پہاڑ سر کرنے کیلئے مقررہ وقت تھا اور مشن کامیاب بنانے کیلئے آخری گھنٹے تک بہت تیز دوڑنا پڑا۔

کوپ لینڈ کے مطابق فریج کا مقصد دماغی صحت کے مسائل کے بوجھ کی وضاحت کرنا ہے۔ انہوں نے ذہنی صحت کے خیراتی ادارے ’مائنڈ‘ کے لیے ہزاروں ڈالرز جمع کیے ہیں۔

بھاری بھرکم فریج کو پیٹھ پرلاد کرچوٹیاں سرکرنے کا تجربہ بیان کرنے والے کوپ لینڈ کے مطابق ، ’ایسا کرنے کیلئے بہت محنت کرنا پڑی، چوٹیاں سر کرنے کے دوران موسلادھاربارش کے علاوہ 30 سے 40 میل فی گھنٹے کی رفتارسے ہوائیں چل رہی تھیں اور ایسا محسوس ہو رہا تھاکہ کوئی پہچھے مجھے پیچھے کو دھکیل رہا ہے‘ ۔

انھوں نے اسکاٹ لینڈ میں بین نیویس پر چڑھتے ہوئے برف پر بھی قابو پا لیا لیکن ان کا کہنا تھا کہ دیگر چوٹیوں، لیک ڈسٹرکٹ میں اسکافیل پائیک اور گوینڈ میں سنوڈن کے درمیان دوڑ نے سب سے بڑے مسائل پیدا کیے۔

کوپ لینڈ کا کہنا تھا کہ ’ہم سنوڈن کی چوٹی پر پہنچے اور ہمیں احساس ہوا کہ ہمارے پاس واپس جانے کے لیے ڈیڑھ گھنٹے کا وقت ہے۔‘

“یہ بہت ڈرامائی تھا، ہمیں اسے وقت پر پہنچنے کے لئے آخری گھنٹے تک دوڑنا پڑا۔

ان کا مزید کہنا تھا کہ ’میں اپنی پیٹھ پر فریج رکھ کر دوڑ رہا تھا، یہ میری پیٹھ سے ٹکرا رہا تھا اور یہ بہت تکلیف دہ تھا، لیکن میں اسے ختم نہیں کر سکا۔‘

مائیکل کوپ لینڈ نے اسکاٹ لینڈ میں بین نیوس چوٹی، انگلینڈ کی اسکافیل پائیک اورویلز کی سنوڈن پہاڑ کی چوٹیاں سرکیں۔ فریج پیٹھ پر رکھ کر دوڑنے کو تکلیف دہ قراردیتے ہوئے مائیکل نے بتایا کہ یہ بہت ڈرامائی تھا۔ انہوں نے اس تجربے سے قبل ٹریننگ بھی حاصل کی تھی۔

اس کارنامے سے کوپ لینڈ نے 7 ہزار پاؤنڈ (8 ہزار 781 ڈالرز) سے زائد جمع کیے۔