خیبرپختونخوا کے شہر پشاور میں گاڑی میں سی این جی کٹ لگانے کے دوران دھماکا ہوگیا۔

پولیس کے مطابق ورسک روڈ مچنی گیٹ کےعلاقہ پیر بالا ورکشاپ میں دھماکا ہوا۔ جس کے نتیجے میں ایک شخص جاں بحق اور چار افراد زخمی ہوگئے۔ پولیس کا کہنا ہے کہ مستری ٹیکسی میں سی این جی کٹ لگارہا تھا کہ اس دوران دھماکا ہوگیا۔

دھماکے کے بعد علاقے میں خوف و ہراس پھیل گیا۔ فوری طور پر پولیس اور امدادی ورکرز موقع پر پہنچے۔ افسوسناک واقعہ میں جاں بحق اور زخمی ہونے والے افراد کو فوری طور پر اسپتال منتقل کیا گیا۔