خیبر میں پولیس لائن پر مسلح ملزمان کے حملے میں 2 پولیس اہلکار شہید اور 2 زخمی ہوگئے۔

خیبرپختونخوا کے ضلع خیبر میں پولیس لائن پر مسلح ملزمان نے حملہ کر دیا، حملے کے دوران ملزمان نے شدید فائرنگ کی۔

فائرنگ سے 2 پولیس اہلکار شہید اور 2 زخمی ہوگئے جبکہ زخمی اہلکاروں کو اسپتال منتقل کر دیا گیا ہے۔

پولیس کے مطابق حملے میں زخمی ہونے والے اہلکاروں میں ڈی ایس پی ہیڈ کوارٹر نواز خان اور لائن آفیسر برکت خان شامل ہیں۔

واقعے کے بعد پولیس نے علاقے میں سرچ آپریشن شروع کردیا ہے۔