پشاور میں رنگ روڈ مویشی منڈی کے قریب کباڑ کے گودام میں لگنے والی آگ پر چھ گھنٹے بعد قابو پالیا گیا۔

آگ بجھانے کے عمل میں فائربریگیڈ کی گیارہ گاڑیوں اور اکتالیس فائر فائٹرز نے حصہ لیا۔

رات گئے لگنے والی آگ سے پلاسٹک، کپڑا، کاٹن سمیت کروڑوں روپے کا مال جل کرخاکستر ہوگیا۔

گودام میں لگنے والی آگ نے کنٹینرز کو بھی اپنی زد میں لے لیا تھا تاہم واقعے میں کوئی جانی نقصان نہیں ہوا۔

تاحال آگ لگنے کی وجہ کا تعین نہیں ہوسکا، اس حوالے سے مزید تحقیقات جاری ہیں۔