پنجاب کی وزیرِ اعلیٰ مریم نواز نے کہا ہے کہ مجھ پر ٹک ٹاک بنوانے کا الزام بے بنیاد ہے۔ یہ کہنا غلط ہے کہ کیمرا ساتھ ساتھ رہتا ہے۔ بات یہ ہے کہ میں گھر سے نکل کر کام کرتی ہوں تو ٹک ٹاک بنتی ہے۔

فیلڈ اسپتالوں کے افتتاح کے موقع پر مریم نواز نے کہا کہ جو لوگ مجھ پر تنقید یا اعتراض کر رہے ہیں وہ اپنے کمفرٹ زون سے باہر آئیں، کام کریں تو ان کی بھی ٹک ٹاک بنے گی۔ نمایاں ہونے کے لیے باہر نکلنا پڑتا ہے، کام کرنا پڑتا ہے۔

فیلڈ اسپتالوں کی افتتاحی تقریب سے خطاب کرتے ہوئے مریم نواز کا کہنا تھا کہ یہ ایک نامکمل ٹاسک تھا جسے صرف 6 ہفتوں میں مکمل کیا گیا ہے۔ فیلڈ اسپتال میں کلینک کی تمام سہولتیں موجود ہیں۔ یہ اسپتال پنجاب بھر میں پھیلیں گے۔

افتتاحی تقریب سےخطاب کرتے ہوئے کہا یہ ایک ناممکن ٹاسک تھا جس کو 6 ہفتوں میں مکمل کیا گیا۔ فیلڈ ہسپتال میں ایک کلینک کی تمام سہولیات موجود ہیں ۔آج یہ تمام فیلڈ ہسپتال پنجاب میں پھیل جائیں گے۔

مریم نواز نے کہا کہ کینٹرز کا استعمال پہلے جھلاؤ گھیراؤ کے لیے ہوتا تھا،اب یہ عوام کی خدمت کے لیے بروئے کار لائے جارہے ہیں۔