Aaj News

اتوار, جون 23, 2024  
16 Dhul-Hijjah 1445  

آرمی چیف جنرل عاصم منیر سے ترکیہ کے وزیر خارجہ کی ملاقات

ملاقات میں باہمی دلچسپی کے امور پر تبادلہ خیال
اپ ڈیٹ 20 مئ 2024 12:18pm
فوٹو۔۔ آئی ایس پی آر
فوٹو۔۔ آئی ایس پی آر

آرمی چیف جنرل سید عاصم منیر سے ترکیہ کے وزیرخارجہ حاقان فدان نے ملاقات کی ہے۔ جس میں باہمی دلچسپی کے امور پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق ملاقات میں دونوں جانب سے تاریخی، ثقافتی اور مذہبی رشتوں پر قائم گہرے تعلقات پر اطمینان کا اظہار کیا گیا۔

ترکیہ کے وزیر خارجہ نے خطے میں امن و استحکام کیلئے پاک فوج کے کردار کو سراہا۔

ریڈیو پاکستان کے مطابق ترکیہ کے وزیر خارجہ اتوار کی رات دو روزہ سرکاری دورے پر اسلام آباد پہنچے تھے۔ ایڈیشنل سیکرٹری خارجہ احمد نسیم وڑائچ نے مہمان وزیر خارجہ کا استقبال کیا اور ایئرپورٹ پر پرتپاک استقبال کیا۔

pakistan army

turkiye

Army Chief General Asim Munir

Pakistan Law and order situation