لاہور میں حکومت کی جانب سے ڈبل روٹی اور رس کی قیمتیں مقرر کیے جانے کے باوجود بیکری آئٹمز کے دام بڑھتے ہی جا رہے ہیں۔

بیکری آئٹمز کچھ روز سستے رہے تاہم اب ایک بار پھر مہنگے ہورہے ہیں۔ شہریوں کا کہنا ہے کہ ناشتے اور روزہ مرہ استعمال کی اشیاء کے ریٹ کم قیمت رکھے جائیں اور ایسے اقدامات کیے جائیں کہ مہنگائی میں بتدریج کمی آئے۔

بیکری مالکان کا کہنا ہے کہ پنجاب حکومت کے احکامات کے مطابق دکانوں پر لگی ریٹ لسٹ پر کچھ روز قبل ہی عملدرآمد شروع ہوا تھا۔