عام طور پر  انسان کی شخصیت، اس کے    انداز گفتگو سے ظاہر ہوجاتی ہے۔ لیکن بعض لوگ کئی دوسرے طریقوں سے بھی شخصیت کو جانچتے ہیں۔ جیسے کچھ لوگ کپڑوں سے اندازہ لگاتے ہیں کہ سامنے والا شخص کس طرح کی شخصیت کا مالک ہے، کچھ لوگ جوتوں کے ذریعے اندازہ لگاتے ہیں اور کچھ لوگ موسیقی کے ذریعے بھی لوگوں کی شخصیت کا اندازہ لگا لیتے ہیں۔

لیکن شاید آپ اس چیز سے واقف نہیں ہو کہ جس گھر میں آپ رہتے ہیں، وہ بھی آپ کی شخصیت کا حال بتاتا ہے۔ آپ کے گھر کا رہن سہن، دروازے، کھڑکیاں۔۔

 ان تمام چیزوں کے پیچھے آپ کی شخصیت کا راز چھپا ہوتا ہے۔

گھر میں موجود اور کون کون سی چیزیں آپ کی شخصیت کو بیان کرتی ہیں، یہ آج ہم آپ کو بتائیں گے۔

٭گھر کا مین دروازہ

گھر کے دروازوں کے رنگ سے آپ کی شخصیت کو بتاتے ہیں۔ اگر آپ کے گھر کا دروازہ لال رنگ کا ہے تو اس کا مطلب آپ بے خوف قسم کے انسان ہیں اور جو آپ کو درست لگتا ہے وہ آپ بول دیتے ہیں، بغیر یہ سوچے سمجھے کہ سامنے والا آپ کے بارے میں کیا سوچے گا۔

اگر آپ کے گھر کا دروازہ نیلے رنگ کا ہے تواس کا مطلب آپ انتہائی پرسکون قسم کے انسان ہیں۔

ہرے رنگ کا دروازہ بیان کرتا ہے کہ آپ اپنی ثقافت کی بہت قدر کرتے ہیں۔

اور کالے رنگ کا دروازہ یہ بیان کرتا ہے کہ آپ مستقل مزاج ، قدامت پسند  اور کم گوقسم کے انسان ہیں۔

٭ موزوں کی دراز

موزوں کی دراز ماہرین نے ایک حیران کن بات بیان کی ہے کہ وہ افراد جو کہ اپنی ہر چیز کو بہت ترتیب سے رکھتے ہیں، ان کی موزوں کی دراز سب سے زیادہ خراب اور بے ترتیب ہوتی ہے۔

٭ بستر کے نچلے حصے کی صفائی

پورے گھر کو صاف رکھنے کے بعد اکثر لوگوں کے بستروں کے نیچے کافی دھول مٹی موجود رہتی ہے۔ اگر آپ کے بستر کے نیچے دھول مٹی نہیں پائی جاتی  تو ماہرین کے مطابق آپ بہت جنونی  اور فکر مند قسم کے انسان ہیں۔

٭تکیوں کے غلاف

تکیوں کے غلاف بھی آپ کی شخصیت کو بیان کرتے ہیں۔ اگر آپ کے غلافوں پر لکیریں بنی ہوئی ہیں تو اس کا مطلب آپ بہت پر اعتماد  اور لوگوں سے ڈرنے والے نہیں ہیں، پولکا ڈاٹس آپ کے ہنس مکھ مزاج کو بیان کرتا ہے، جانوروں کے پرنٹس والے غلاف بتاتے ہیں کہ آپ بہت تخلیفی ہیں۔

٭ بستر بنانا

ماہرین کا کہنا ہے کہ اگر آپ دفتر جانے سے پہلے اپنا بستر بناکے نہیں جاتے ہیں تو اس کا مطلب آپ کو اپنی نوکری بالکل بھی پسند نہیں ہےاور جو لوگ اپنا بستر بنانا بنا کے جاتے ہیں وہ عام طور پر تازہ دم قسم کے لوگ ہوتے ہیں۔

٭ گھر کی دیواریں

وہ افراد جو اپنے گھر کی دیواروں پر پوسٹرس اور کچھ موٹیوشنل قول لگاتے ہیں وہ لوگ بہت حساس ہوتے ہیں۔ ایسے افراد اپنی زندگی کی تمام فکریں انہی قول کو مددنظر رکھ کے دور کرتے ہیں۔

٭ کرسیاں

وہ افراد جو نر م کے بجائے سخت کرسیوں کا انتخاب کرتے ہیں وہ بہت زیادہ گفتگو کرتے ہیں۔

٭ الماریاں

اگر آپ کی الماری میں پچھلے کئی سالوں کے کپڑے اب تک رکھے ہوئے ہیں تو اس کا مطلب ہے کہ آپ کو ان کپڑوں سے جوڑی یادیں نہیں بھولتی ہیں۔ لہذا ان کپڑوں کی ایک عدد تصویر بنائیں  اور ان کپڑوں کو کسی مستحق کو دے دیں۔

٭ پورے گھر کی صفائی

ماہرین کا کہنا ہے کہ وہ افراد جن کا کمرہ بکھرا پڑا رہتا ہے ، وہ افراد کافی تخلیقی ہوتے ہیں اور وہ افراد جن کا گھر ہر وقت صاف ستھرا رہتا ہے  وہ بہت سخی ہوتے ہیں۔