بلاشبہ کانٹیکٹ لینس آپ کی شخصیت میں نمایاں تبدیلی لاتے ہیں اور ان کے استعمال سے کچھ لوگ پرکشش بھی نظر آتے ہیں۔

جب بھی کانٹیکٹ لینس خریدیں تو اپنے بالوں اور رنگت کو ضرورمددنظر رکھیں۔

اگر آپ روزانہ لینس لگانا چاہتے ہیں تو کوشش کریں کہ اپنی آنکھوں کے رنگ کے  ہی لینس خریدیں ، ایسے رنگ کا ہرگز انتخاب نہیں کریں جس سے صاف ظاہر ہو کہ آپ نے لینس لگائے ہوئے ہیں۔

کانٹیکٹ لینس کااستعمال کرتے ہوئے   بہت خیال اور احتیاط سے کام لیں تاکہ آپ کی آنکھیں کسی بھی قسم کی تکلیف اور انفیکشن سے محفوظ رہیں اور آپ کی نظر بھی متاثر نہ ہو۔

لینس استعمال کرنے کے دوران  ان باتوں کا خاص خیال رکھیں۔

٭ دیر تک لینس لگائے رکھنا

کانٹیکٹ لینس  چاہے کتنی اچھی کوالٹی کے ہو انہیں دیر تک لگاکر نہ رکھیں۔تقریب سے واپسی  پر لینس اتار لیں۔ لینس کو لگاکر سونے سے یہ آپ کے آنکھوں میں چپک بھی سکتے ہیں اور آپ کی بینائی شدید متاثر ہوسکتی ہے۔

٭ استعمال سے پہلے ہاتھ نہ دھونا

جب بھی لینس لگانے لگیں تو اپنے ہاتھوں کو اچھی طرح دھوئیں ۔ ہاتھ اچھی طرح دھونے کے بعد خشک کریں اس کے بعد  ہی  لینس لگائیں۔

٭لینس تبدیل کرتے رہیں

اپنے ڈاکٹر سے مشورے سے لینس  تبدیل ضرور کریں۔ اگر آپ کے لینس خراب نہیں ہورہے تو اس کا ہرگز یہ مطلب نہیں کہ وہ خراب نہیں ہوں گے۔ لینس کی ایک معیاد ہوتی ہے  جس کے بعد انہیں فوراً تبدیل کرلینا چاہیئے۔

٭ غلط سلوشن کا استعمال

جب آپ کا لینس سلوشن ختم ہوجائے تو  ڈاکٹر کے مشورے سے  ہی دوسرا سلوشن خریدیں۔

٭ لینس اچھی طرح صاف کریں

لینساستعمال  کرنے کے بعد واپس کیس میں رکھیں تو اس کوسلوشن سے پہلے اچھی طرح صاف کرلیں۔ ہاتھوں کو اچھی طرح دھونے کے بعد  لینس کو ہتھیلی پر رکھیں اور اپنی انگلی سے اسے سلوشن سے صاف کرلیں۔

٭نل کےپانی سے ہرگز صاف نہ کریں

لینس کی صفائی کےلئے ہمیشہ سلوشن استعمال کریں، نل کے پانی سے  ہرگز صاف نہیں کریں۔

٭سلوشن کا دوبارہ استعمال

لینس کو سلوشن سے نکال کر لگانے کے بعد  کیس میں موجود پراناسلوشن پھینک دیں اور اس میں نیا سلوشن ڈال کر لینس اتار کر رکھیں۔

٭ آنکھوں کا معائنہ

اپنی آنکھوں کا معائنہ کرواتے رہیں ایک ہی نمبر کے کانٹیکٹ لینس استعمال کرنے سے اجتناب کریں۔