کچھ لوگ جب سو کر اٹھتے ہیں تو ان کے چہرے پر سوجن اور چہرہ پھولا ہوا ہوتا ہے۔

چہرے کے پھول جانے کی کئی وجوہات ہوتی ہیں۔ جیسے ذہنی دباؤ اور پانی کی کمی وغیرہ۔

اگر پھولے ہوئے چہرے کا بروقت علاج نہ کیا جائے تو اس میں مزید سوجن آجاتی ہے۔ ذیل میں چہرے کی سوجن پر قابو پانے کے لئے چند باتوں کا ذکر کیا جارہا ہے۔

٭ پانی کی کمی

جب جسم میں ڈی ہائیڈریشن ہونے لگتی ہے تو خون کی شریانیں بڑھنے لگتی ہے جس سے جسم  میں سوجن آنے لگتی ہے۔ لہذا دن بھر اچھی مقدار میں پانی پئیں اور جسم کو ہائیڈریٹ رکھیں۔

٭ نمک کم کردیں

چہرہ پھولنے کی ایک بڑی وجہ نمک زیادہ مقدار میں کھانا ہے۔ کوشش کریں کہ دن میں 2300 ملی گرام سوڈیم کھائیں۔ وہ افراد جن کی عمر 50 یا اس سے زیادہ ہے تو وہ دن میں 1500 ملی گرام سوڈیم کھائیں۔

٭ فائبر کھائیں

اگر آپ چہرے کو تروتازہ اور پھولنے سے بچانا چاہتے ہیں تو اپنی ڈائٹ میں فائبر سے بھرپور غذاؤں کا استعمال بڑھا دیں۔ وٹامن سی، بیٹا کیروٹین اور اینٹی آکسیڈینٹ  والی غذاؤں کو زیادہ کھائیں۔ اس سے جلد فریش اور چمکدار بنتی ہے۔

٭ ورزش کریں

ورزش کرنے سے جو پسینے آتا ہے اس سے چہرے کی سوجن میں کمی ہوتی ہے۔ ورزش کرنے سے خون کا دورانیہ اچھا ہوتا ہے اور اس سے پورز کھل جاتے ہیں۔ اگر ورزش کے ساتھ بیلنس ڈائٹ بھی جاری رکھیں تو آپ پھولے ہوئے چہرے سے نجات حاصل کرسکتے ہیں۔

٭ مساج کریں

فیشل مساج سے بھی چہرے کی سوجن سے نجات حاصل کیا جاسکتا ہے۔ اپنی انگلیوں کی مدد سے پورے چہرے پر ہلکے ہلکے مساج کرنے سے چہرے کی جلد فریش اور چمکدار بن سکتی ہے۔

نوٹ: یہ مضمون محض عام معلومات کے لئے ہے، اس پر عمل کرنے سے قبل اپنے معالج سے ضرور مشورہ کرلیں۔