انسانی جسم کے بارے میں وہ حقائق جو یقینا آپ نہیں جانتے
ہر شخص یہ سوچتا ہے کہ وہ اپنے جسم کو اچھی طرح جانتا ہے وہ یہ سمجھتا ہے کہ جسم میں واقع ہونے والی ہر قسم کی تبدیلی اور جو کچھ بھی ہورہا ہے ہر سیکنڈ سے باخبر ہے۔ لیکن حقیقت بالکل اس کے برعکس ہے، ڈاکٹروں اور سائنسدانوں کا کہنا ہے کہ انسان کا جسم بہت ہی مشکل میکینزم پر بنا ہوا ہے اور کئی دفعہ تو یہ اچھے پڑھے لکھے اور سمجھدار لوگوں کی سمجھ سے بھی باہر ہوجاتا ہے۔ آج ہم آپ کو انسان کے جسم میں موجود ایسے ہی کچھ حقائق کے بارے میں بتائیں گے، یقینا آپ اس سے لاعلم ہونگے اور اس کے بارے میں جان کر حیران بھی ہونگے۔ ٭ایک انسان کے منہ میں بیکٹیریا کی تعداد اس میں دنیا میں موجود انسانوں سے بھی زیادہ ہے۔ ٭انسان روزانہ تقریبا 20000 کے قریب سانسیں لیتا ہے۔ ٭ایک بال ایک سیب کا وزن اٹھا سکتا ہے۔ ٭جن کے ناخن نرم، آسانی سے ٹوٹنے والے ہوں یا ان میں چاند نما نشان موجود ہو تو ایسے لوگوں میں تھائیروائیڈ کی بیماری کا اندیشہ بہت زیادہ ہوتا ہے۔ ٭انسان کے دماغ میں چیزیں 400 کلو میٹر فی گھنٹہ کی رفتار کے تسلسل سے آتی ہیں۔ ٭ایک دن میں انسان کا خون جسم میں 19312 کلومیٹر کا طویل سفر طے کرتا ہے۔ ٭انسان کے جسم میں موجود تمام نسوں کی اگر لمبائی ناپی جائے تو یہ تقریبا 75 کلومیٹر بنتی ہے۔ ٭تقریبا اس دنیا میں موجود ہر انسان کی پلکوں میں لیکھیں پائی جاتی ہیں جو ڈیموڈیکس کہلاتی ہیں۔
