سال 2017 میں دنیا سے رخصت ہونے والے مشہور بھارتی اداکار
ویسے تو دنیا سے ایک نہ ایک دن سب ہی کو جانا ہے لیکن قدرت کی طرف سے عطا کردہ اس زندگی میں کچھ انسان ایسے کام کر جاتے ہیں جن کی وجہ سے ان کو ہمیشہ یاد رکھا جاتا ہے۔ آج ہم آپ کو سال 2017 میں بچھڑنے والے مشہور بھارتی اداکاروں کے بارے میں بتائیں گے اور ساتھ ہی یہ بھی بتائیں گے کہ ان کی موت کس طرح ہوئی۔ اوم پوری اوم پوری بولی وڈ انڈسٹری کا ایک بہت بڑا نام تھے رواں برس پاکستان اور مسلمانوں کے حق میں بیان دینے کے باعث ان کو اپنے ہی ملک میں کافی تنقید کا نشانہ بنایا گیا۔بہر حال اوم پوری رواں برس کے پہلے مہینے میں دل کا دورہ پڑنے کے باعث 66 برس کی عمر میں اس جہانِ فانی سے کوچ کرگئے۔ وینود کھنا بولی وڈ انڈسٹری میں کئی شاندار اور کامیاب فلموں میں اداکاری کرنے والے وینود کھنا بھی 70 سال کی عمر میں رواں برس کینسر کی وجہ سے اس دنیا سے رخصت ہوگئے۔ ریما لاگو ریما لاگو بھی بھارت کی ایک کامیاب اداکارہ تھیں انہوں نے کئی فلموں میں اپنی اداکاری کے جوہر دکھائے، رواں برس وہ بھی علالت کے باعث اس دنیا سے رخصت ہوگئیں۔ سونِکا چوہان سونِکا چوہان بھارت کی ایک مشہور ماڈل، اداکارہ اور ٹی وی ہوسٹ تھیں ان کی موت اسی سال اپریل کے آخر میں ایک کار حادثے میں ہوئی ان کی عمر محض 28 سال تھی۔ ریکھا سندھو ریکھا سندھو تامل ٹی وی پروگرامز میں اداکاری کرتی تھیں وہ بھی اسی سال چنئی بنگلورو ہائی وے پر محض 22 سال کی عمر میں ایک کار حادثے میں جاں بحق ہوئیں۔ پرَدیپ کمار پرَدیپ کمار ایک تامل اداکار تھے انہوں نے 3 مئی 2017 کو اپنی اہلیہ سے اختلافات کے باعث خودکشی کرلی۔
