عرفان پٹھان سوشل میڈیا پر شدید تنقید کی زد میں
بھارتی آل راؤنڈر عرفان پٹھان کو منگل کے روز سوشل میڈیا پر خوب تنقید کا نشانہ بنایا گیا۔ انہوں نے ایک تصویر شیئر کی جس میں دیکھا جا سکتا ہے کہ ان کی اہلیہ نے نیل پولیش لگا رکھی ہے۔
Kuch to log kahenge logo ka kaam hai kehna but always #love #travel pic.twitter.com/aERzXr0g2j
— Irfan Pathan (@IrfanPathan) July 17, 2017
عرفان کی اہلیہ صفا بیگ نے تصویر میں برقا پہنا ہوا ہے لیکن ان کے کُھلے ہاتھ اور نیل پولیش نے مداحوں کو شدید غصے میں مبتلا کردیا جنہوں نےاپنے غصے کا اظہار کمنٹس میں کیا۔
ایک مداح کاشف رضا خان نے لکھا کہ چہرہ چُھپانا فرض نہیں ہے، بازو چُھپانا ہے۔ وہ اپنا چہرہ چُھپا رہی ہیں ، یہ اچھا ہے اللہ ان پر رحم کرے۔ لیکن انہیں ان کے بازو چُھپانے کا کہیے۔
کچھ عرصہ قبل بھارتی پیسر محمد شامی کے ساتھ بھی سوشل میڈیا پر کچھ ایسا ہی واقعہ پیش آیا تھا جب انہوں اپنی اور اپنی اہلیہ کی تصویر شیئر کی تھی۔
جس وقت محمد شامی کو سوشل میڈیا پر آڑے ہاتھوں لیا جارہا تھا محمد کیف ان کی حمایت میں سامنے آئے تھے۔
The comments are really really Shameful.
Support Mohammed Shami fully.
There are much bigger issues in this country. Hope sense prevails. pic.twitter.com/dRJO5WfOgU— Mohammad Kaif (@MohammadKaif) December 25, 2016
بشکریہ ہندوستان ٹائمز