رنویر سنگھ اور ارجن کپوراسکرین کے پیچھے تو شاید اچھے دوست ہوں لیکن جب بات آتی ہے اچھے رولز کی تو دونوں ایک دوسرے کے حریف بن جاتے ہیں۔

گزشتہ دنوں خبریں تھیں کہ ارجن کپور،1983کے کرکٹ ورلڈ کپ میں بھارت کی غیر یقینی فتح پر بننےو الی فلم میں کپل دیو کا کردار ادا کریں گے۔

اب کہا جارہا ہے کہ ارجن کی جگہ رنویر نے لے لی ہے۔

بجرنگی بھائی جان کے ہدایت کار کبیر خان  ہی اس فلم کی ہدایت کاری کے فرائض انجام دیں گےجبکہ فلم نیشنل ایوارڈ یافتہ سنجے پورن سنگھ چوہان لکھیں گے۔

فی الحال رنویر، سنجے لیلا بھنسالی کی فلم پدماوتی کی ریلیز کی تیاریاں کر رہے ہیں۔جس کی کہانی رانی پدماوتی(دیپیکا پڈوکون) اور راول رتن سنگھ(شاہد کپور) کے گرد گھومتی ہے۔

فلم پدماوتی ایک راجپوت گروہ کی جانب سےتاریخ کو مسخ کرکے پیش کرنے کے خلاف احتجاج کے سبب تنازعہ کا شکار ہوچکی ہے۔