دس مشہور سلیبریٹیز کی انتہائی انوکھی اور عجیب و غریب عادات
ہر انسان دوسرے انسان سے کچھ نہ کچھ مختلف ہوتا ہے اور ہر کسی کی کوئی نہ کوئی انوکھی اور عجیب عادت ہوتی ہے لیکن کیا مشہور سلیبریٹیز بھی کسی انوکھی اور عجیب عادت کا شکار ہوتے ہیں؟ جی ہاں! جس طرح عام انسانوں میں عجیب عادتیں پائی جاتی ہیں اسی طرح ان سلیبریٹیز میں بھی مختلف عجیب عادتیں پائی جاتی ہیں۔ آج ہم آپ کو ان سلیبریٹیز کی انہی انوکھی اور عجیب عادتوں کے بارے میں بتانے جارہے ہیں۔ ودیا بالن کیا آپ اس بات کا تصور بھی کرسکتے ہیں کہ آپ صبح اٹھیں اور اپنا موبائل فون چیک نہ کریں؟ اگر آپ کسی پیشے سے منسلک انسان ہیں تو آپ لازمی اپنا موبائل فون چیک کریں گے لیکن ودیا بالن وہ اداکارہ ہیں جو کئی کئی روز تک اپنا موبائل فون اٹھا کر تک نہیں دیکھتیں جس کی وہ سے کئی اہم ملاقاتوں اور ایونٹس میں شرکت سے محروم رہ جاتی ہیں۔ شاہد کپور بولی وڈ کے چاکلیٹی ہیرو شاہد کپور کو کافی بہت ہی زیادہ پسند ہے۔ وہ ہر روز آرام سے 10 کپ کافی پی جاتے ہیں۔ جان ابراہم بولی وڈ کے مسٹر ہینڈسم کی ایک عجیب عادت یہ ہے کہ وہ ہمیشہ اپنی ٹانگیں ہلاتے رہتے ہیں چاہے کسی کو برا لگے یا اچھا۔ اینجلینا جولی ہالی وڈ کی خوبرو اداکارہ اینجلینا جولی کو کون نہیں جانتا وہ اپنی ڈائٹ اور فٹنس کے حوالے سے بے حد سنجیدہ رہتی ہیں۔ تاہم ان کی ایک عادت کے بارے میں جان کر آپ دنگ رہ جائیں گے وہ یہ ہے کہ اینجلینا کو لال بیگ کھانا بہت پسند ہے ان کا ماننا ہے کہ لال بیگ میں پروٹین کی وافر مقدار پائی جاتی ہے جو ان کی صحت کے لئے بے حد ضروری ہے۔ رانی مکھرجی آپ یقین نہیں کریں گے کہ بنگالی خوبرو اداکارہ اداکارہ رانی مکھرجی ایک چین اسموکر (یعنی ایک کے بعد ایک سگریٹ پینے والی) ہیں۔ ایک انٹرویو میں انہوں نے بتایا کہ جب میری شادی نہیں ہوئی تھی تو میں واش روم میں بیٹھ کر سگریٹ پیا کرتی تھی کیونکہ میری والدہ مجھے ڈانٹتی تھیں۔ امیتابھ بچن جیسا کہ ہم سب ہی جانتے ہیں امیتابھ بچن اپنی فیملی سے کتنا پیار کرتے ہیں۔ ان کی اپنی فیملی سے محبت کا عالم یہ ہے کہ جب کہیں ان کے گھر والے کسی دوسرے ملک جاتے ہیں تو وہ اپنے دونوں ہاتھوں میں گھڑیاں پہن لیتے ہیں ایک میں بھارت کا وقت چل رہا ہوتا ہے جبکہ دوسری میں اس ملک کا جہاں ان کے گھر والے موجود ہوں۔ جسٹن بیئبر پیسا کیسے خرچ کیا جاتا ہے یہ تو کوئی جسٹن بیئبر سے پوچھے جب سلینا گومز اور وہ ایک ساتھ تھے تب انہوں نے ایک مرتبہ ٹائٹینک مووی دیکھنے کے لئے پورا اسٹیپل سینٹر بُک کرلیا تھا۔ انہوں نے اپنے پیار کی خاطر پانچ لاکھ ڈالرز یونہی خرچ کر دیئے تھے۔ ری حانہ پاپ گلوکار ری حانہ تمباکو نوشی کی عادی ہیں ساتھ ہی وہ ٹوئیٹر پر بہت زیادہ متنازعہ ٹوئیٹس کرتی رہتی ہیں اور اپنی رائے کا اظہار کرنے میں بالکل بھی نہیں گھبراتیں۔ کیمرون ڈیاز یہ خوبصورت اداکارہ دکھنے میں جتنی معصوم لگ رہی ہیں دراصل اتنی یہ ہیں نہیں کیونکہ انہیں بہت زیادہ گالیاں دینے کی عادت ہے یہاں تک کے انہوں نے اپنی 13 سالہ ساتھی اداکارہ ابیگلی بریسلن کو بھی گالیاں دینا سکھا دی ہیں۔ سلمان خان کیا آپ اس بات پر یقین کریں گے کہ سلمان خان کو صابن جمع کرنے کا شوق ہے؟ نہیں نا!! لیکن حقیقت یہی ہے کہ ان کے پاس صابنوں کی مختلف اقسام کی ایک بہت بڑی کلیکشن موجود ہے۔ Thanks to filmymantra
