مشہور ہالی وڈ اداکارہ لنزے لوہن نے منگل کے روز انسٹا گرام پر متعدد خواتین کو جنسی طور پر ہراساں کرنے کے الزامات سے  برسرِپیکار پروڈیوسر ہاروی وائنسٹائن کا دفاع کیا۔

انسٹا گرام پر ان کا کہنا تھا کہ مجھے ہاروی وائنسٹائن کیلئے بہت برا لگ رہا ہے، میرا نہیں خیال جو ہو رہا ہے وہ ٹھیک ہے۔

لنزے لوہن کا یہ بھی کہنا تھا کہ وائنسٹائن کی اہلیہ جورجینا چیپمین ، جو طلاق کا ارادہ رکھتی ہیں،کو اپنے شوہر کیلئے کھڑا ہونا چاہیئے۔

وائنسٹائن ، اینجلینا جولی اور گُوینتھ پیلٹرو سمیت متعدد اداکاراؤں کو ہراساں کرنے کے الزام کی زد میں آنے کے بعد مبینہ طور پر علاج کی غرض سے یورپ کے سفر پر ہیں۔

اداکارہ نے مزید کہا کہ انہوں(وائنسٹائن)نے مجھے کبھی نقصان نہیں پہنچایا یا میرے ساتھ کچھ کیا۔ ہم نے ایک ساتھ متعدد فلمیں کیں ہیں۔ میرا خیال ہے سب کو رُکنے کی ضرورت ہے۔