مائیکل جیکسن کے بارے میں حیران کن انکشافات۔۔
مائیکل جیکسن کو کون نہیں جانتا ،امر یکن شہری ہونے کے باوجود پوری دنیا انہیں جانتی اور پسند کرتی تھی وہ پہلے سیاہ فام آرٹسٹ تھے جنہیں لوگ بے تحاشہ محبت کرتے تھے ،جب وہ اسٹیج پر پرفارم کرنے آتے تھے تو لڑکیاں ان کی صرف ایک جھلک دیکھنے کے لئے پاگل ہو جاتی تھیں۔ مائیکل جیکسن لوگوں کی پسندیدہ ترین شخصیت تھے لوگوں کو ان سے اتنا پیار تھا کہ بہت سے لوگ ان کے بارے میں ہر چیز جاننے کا دعویٰ کرتے ہیں،لیکن آج ہم آپ کو ان کی زندگی کے بارے میں چند ایسی دلچسپ باتیں بتائیں گے جنہیں جان کر آپ بھی حیران رہ جائیں گے۔ ٭مائیکل جیکسن کا پسندیدہ کارٹون کردار پنوکیو تھا۔ ٭مائیکل بہت ہی حساس قسم کے انسان تھے،وہ تمام لوگوں کے لئے اپنے دل میں درد رکھتے تھے۔ ٭مائیکل جیکسن بچپن میں اپنی بہن کو تنگ کرنے کے لئے اس کے بستر میں مکڑیاں ڈال دیا کرتے تھے۔ ٭مائیکل جیکسن تھری اسٹوجز کے بہت بڑے مداح تھے۔ ٭ان کی پسندیدہ فٹبال ٹیم ایکسٹر سٹی تھی۔ ٭مائیکل جیکسن کو جانوروں سے بہت پیار تھا ان کے پاس دو الاماس تھے جن کے نام مجموعی طورپر لو ئیس اور لولا تھے۔اس کے علاوہ انہوں نے ایک سانپ بھی پالا ہوا تھا جسے وہ کروشر کے نام سے بلاتے تھے۔ ٭ان کی پہلی شادی لیزا میری سے ہوئی تھی جو صرف انیس ماہ قائم رہ سکی۔
