کیا آپ پہچان سکتے ہیں کہ یہ کون  پاکستانی گلوکارہ ہے جس کا اب پاکستان میں چرچا ہے اگر نہیں توعرض ہے کہ یہ اور کوئی نہیں مومنہ مستحسن ہیں جنہوں نے کوک اسٹوڈیو سے پاکستان میں مقبولیت حاصل کری۔

انہوں نے اپنا پہلا اسٹوڈیو گانا سجنا جنون کے البم جنون ٹوئنٹی کیلئے ریکارڈ کروایا تاہم ان کو عوام میں مقبولیت دوہزار سولہ میں  کوک اسٹوڈیو کے سیزن نائن سے ملی۔ جس میں انہوں نے راحت فتح علی کے ساتھ آفرین آفرین گانے میں حصہ لیا۔

مومنہ مستحسن کی والدہ کا نام ہما مستحسن ہے اور وہ ڈاکٹری کے پیشے سے منسلک ہیں جبکہ ان کے والد پاک فوج کے ریٹائرڈبریگیڈیئر ہیں ۔انہیں پاک آرمی کی طرف سے ستارہ امتیاز سے بھی نوازا جاچکا ہے۔

مومنہ نے اپنی ابتدائی تعلیم لاہور گرامر اسکول سے حاصل کی اور بعد میں انہوں نے اسٹونی بروکس یونیورسٹی سے بائیومیڈیکل انجینئرنگ اور اپلائیڈ میتھمیٹکس میں ڈگریاں حاصل کریں۔تاہم آجکل یہ مختلف برانڈز کے اشتہاروں میں زیادہ نظر آرہی ہیں ۔