پوسٹر پر انسٹاگرام کا رنگ نیلا

سب سے پہلے اس فلم کے پوسٹر سے آغاز کرتے ہیں۔ پوسٹر پر مختلف سوشل نیٹ ورکنگ ویب سائٹس کے لوگو دیکھے جاسکتے ہیں۔ تاہم اگر انسٹاگرام کا لوگو دیکھا جائے تو وہ نیلے رنگ کا بنایا گیا ہے جبکہ نیلا رنگ فیس بک کا ہے۔

بچوں کو اسکول لے جاتے وقت

فلم کے ایک سین میں سلطان تین بچوں کو اپنی اسکوٹر پر اسکول چھوڑنے کے لئے نکلتا ہے لیکن راستے میں گنّے کا رس پینے کی غرض سے رُک جاتا ہے اور پینے کے بعد سلطان وہاں سے روانہ ہوجاتا ہے جبکہ وہ بچوں کو اسکول چھوڑنے کے لئے نکلا تھا۔

ہریانوی زبان کا غلط تلفظ

اس بات کو نظرانداز نہیں کیا جاسکتا کہ ہریانوی زبان کا تلفظ بے حد مشکل ہوتا ہے لیکن سلمان اور انوشکا نے کافی حد تک کردار کو درست نبھایا۔ لیکن پھر بھی ہر دو سے تین الفاظ بعد غلط تلفظ کا استعمال زبان جاننے والوں کو بڑا ہی عجیب لگتا ہے۔

سلطان کا مجسمہ

سلطان کے گولڈ میڈل جیتنے پر ان کا مجسمہ گاؤں کی اسپورٹس اکیڈمی میں نصب کیا گیا لیکن اگر غور سے دیکھا جائے تو یہ مجسمہ سلمان خان سے بالکل مشابہت نہیں رکھتا۔

اسکوٹی کا بائیک میں تبدیل ہوجانا

اس فلم کی ابتدا میں سلطان کو اسکوٹی پر دیکھا جاتا ہے لیکن جب وہ عارفہ کو دیکھتا ہے تو اچانک وہ اسکوٹی غائب ہوجاتی ہے اور اس کی جگہ بائیک آجاتی ہے جبکہ سلطان ایک مڈل کلاس فیملی کا فرد دکھایا گیا ہے۔

فرق دیکھیں

اس فلم کے ایک سین میں جب سلطان آئینے کے سامنے کھڑا ہوتا ہے تو دونوں میں مختلف نظر آتا ہے۔ اس کے علاوہ سلمان اس فلم میں کردار سے زیادہ عمررسیدہ نظر آرہے ہیں۔

ان تمام چھوٹی موٹی غلطیوں کے باوجود سلطان ایک بہت شاندار مووی ہے اور دیکھنے والوں نے اس مووی کو بے حد پسند کیا ہے۔