مندرجہ بالا تصویر مشہور بولی وڈ ہیرو شاہد کپور کی ہے ۔ وہ انیس سو اسی میں نئی دہلی میں پیدا ہوئے ۔

ان کے والدین کا نام پنکج کپور اور نیلمہ عظیم ہے۔ تاہم دونوں میں علیحدگی ہوگئی جس کے بعد شاہد کپور اپنے والدہ کے ساتھ رہے۔ اور جب وہ محض دس سال کے تھے تو انہوں نے ایک ڈانس اکیڈمی میں ایڈمیشن لیا اور پھر انیس سو نوے کے بعد وہ کئی فلموں میں بیک گراونڈ ڈانسر کی حیثیت سے کام کرتے رہے۔

شاہد کپور نے اپنا بولی وڈ ڈیبیو دوہزار تین میں اپنی فلم عشق وشک سے کیا۔ جس کے لئے انہیں فلم فیئر ایوارڈ سے بھی نوازا گیا۔

اس کے بعد شاہد کپور کی کئی فلمیں ناکام بھی ہوئیں تاہم ان کو بریک تھرو فلم ویواہ سے دوہزار چھ میں ملا اور پھر ان کی فلم جب وی میٹ اور کمینے نے بھی بولی وڈ میں کامیابی کے جھنڈے گاڑے۔

اب تک شاہد کپور کئی ایوارڈز اپنے نام کرچکے ہیں۔ کرینہ کپور کے ساتھ اپنے رومانس کے خاتمے کے بعد انہوں نے میرا راجپوت سے شادی کی جو کہ ایک طالبہ تھیں اور اب یہ ایک بیٹی کے باپ ہیں۔