یہ 8 بولی وڈ شخصیات بھارت میں ووٹ نہیں دے سکتیں
ووٹ دینا ہر شہری کا ایک بنیادی حق ہوتا ہے لیکن اگر آپ سے یہ بات کہی جائے کہ اکشے کمار بھارت میں ووٹ نہیں ڈال سکتے تو کیا آپ مانیں گے۔ یقیناً آپ کے لئے یہ حیران کن خبر ہوگی مگر یہ حقیقت ہے۔ آج ہم آپ کو بولی وڈ کی ان آٹھ شخصیات کے بارے میں بتانے جارہے ہیں جو بھارت میں ووٹ دینے کا حق نہیں رکھتے۔ ذیل میں ملاحظہ کریں یقیناً آپ ان کے نام جان کر بالکل حیران رہ جائیں گے۔ دپیکا پاڈوکون حیران کن طور پر دپیکا پاڈوکون بھارت کی کسی بھی طرح کی ووٹنگ سرگرمیوں میں حصہ نہیں لے سکتیں۔ جس کی وجہ یہ ہے کہ دپیکا ڈنمارک میں پیدا ہوئیں اور وہیں پلی بڑھیں۔ سپنا پبّی سپنا پبّی کو خاموشیاں فلم میں دم دار اداکاری کرنے کی وجہ سے یاد رکھا جاتا ہے۔ وہ لندن میں پیدا ہوئیں اور پھر ممبئی شفٹ ہوگئیں۔ ممبئی میں انہیں ایک ٹی وی شو 'گھر آجا پردیسی' میں کام مل گیا اس طرح وہ قانونی طور پر بھارتی شہری نہ ہوئیں۔ اکشے کمار اکشے کمار نے حبّ الوطنی اور قومی جذبے پر کئی فلمیں بنائیں تاہم وہ بھی بھارتی شہری نہیں ہیں اور ووٹ بھی نہیں ڈال سکتے۔ چونکہ بھارت میں دو شہریت نہ رکھنے کا قانون لاگو ہے تو انہوں نے بھارت کی شہریت چھوڑ کر کینیڈا کی شہریت اپنا لی ہے۔ مونیکا ڈوگرا مونیکا ایک مشہور اداکارہ اور گلوکارہ ہیں حال ہی میں انہیں ایک شو کو جج کرتے دیکھا گیا تھا۔ لیکن وہ بھی بھارتی شہری نہ ہونے کی وجہ سے ووٹ ڈٖالنے سے محروم ہیں۔ وہ نیویارک میں پیدا ہوئیں۔ کترینہ کیف کترینہ کشمیری باپ اور برٹش ماں کی بیٹی ہیں اور ان کی شہریت پر ہمیشہ سے ہی سوالات اٹھتے رہے ہیں۔ وہ لندن میں پیدا ہوئیں اور کام کی غرض سے ممبئی میں شفٹ ہوئیں۔ تاہم وہ بھارتی شہریت نہ رکھنے کی وجہ سے ووٹ ڈالنے سے محروم ہیں۔ عمران خان یہ واقعی بہت سرپرائزنگ ہے۔ عامر خان تو بھارت میں پیدا ہوئے مگر ان کے بھانجے عمران خان امریکا میں پیدا ہوئے۔ یہ بھارتی قوانین کے خلاف ہے اور اسی وجہ سے وہ بھی اپنا ووٹ کاسٹ نہیں کرسکتے۔ سنی لیونی سنی لیون بھارتی انڈسٹری پر کافی عرصے سے اپنا جلوے بکھیر رہی ہیں۔ لیکن وہ کینیڈین شہری ہونے کے باعث بھارتی ووٹنگ سرگرمیوں میں حصہ نہیں لے سکتیں۔ عالیہ بھٹ عالیہ اکثر و بیشتر اپنی برٹش گرینڈمدر کے حوالے سے سوشل میڈیا پر بحث چھیڑتی رہتی ہیں۔ وہ اپنی والدہ سونی رازدان کی طرح ایک برٹش شہری ہیں جس کی وجہ سے ووٹ کا حق استعمال نہیں کرسکتیں۔ Thanks to filmipop
