مندی مصالحہ بنانے کا طریقہ :
اجزاء
ثابت دھنیا پندرہ گرام
ثابت کالی مرچ پندرہ گرام
ثابت سونف پندرہ گرام
بادیان دو عدد
ثابت زیرہ پندرہ گرام
بڑی الائچی چھ عدد
چھوٹی الائچی آٹھ عدد
دار چینی چار عدد
جلوتری چار عدد
ایک پین میں یہ تمام اجزاء ڈال کر بھون لیں اور گرائنڈر میں پیس لیں۔
مندی بنانے کا طریقہ:
اجزاء
مندی مصالحہ تین کھانے کے چمچ
سرکہ دو کھانے کے چمچ
لیموں کا رس تین کھانے کے چمچ
ادرک لہسن پیسٹ دو کھانے کے چمچ
لال مرچ کُٹی ہوئی ایک کھانے کا چمچ
دیگی مرچ ایک کھانے کا چمچ
چکن ایک مکمل مرغی
کھانے کا تیل تین کھانے کے چمچ
پیاز آدھی
کشمش بیس گرام
کاجو بیس گرام
سبز مرچ چھ عدد
نمک حسبِ ذائقہ
باسمتی چاول چھ سو گرام
لال رنگ ایک چوتھائی چائے کا چمچ
کوئلہ ایک انگارہ
ترکیب
اب ایک باؤل میں مندی مصالحہ لیں اور اس میں سرکہ ،لیموں کا رس ،ادرک لہسن پیسٹ ،نمک،لال مرچ کُٹی ہوئی ،دیگی مرچ ڈال کر اچھی طرح مکس کرلیں ۔
پھرایک الگ باؤل میں چکن ڈالیں اور اس پر تیار کیا ہوا مکسچر ڈال کر اچھی طرح مکس کر لیں اور چھ سے آٹھ گھنٹے کے لیے فریج میں رکھ دیں ۔
اب ایک پین میں کھانے کا تیل لیں اور اس میں پیاز ڈال کر لائٹ براؤن کر لیں ۔
پھراس میں کشمش، کا جو، سبزمرچ ،ثابت زیرہ اور پانی ڈال کر اُبال لیں ۔
اب اس میں نمک اور چاول ڈال پکائیں اور تھوڑا پانی رہ جانے پر پندرہ منٹ دم دیں ۔
اب دم کھول کر اس میں لال رنگ کی گارنش کر لیں ۔
تیا کردہ چکن کو اسٹیمر میں ڈال کر سٹیم روسٹ کر لیں ۔
ایک برتن میں پکائے ہوئے چاول لیں اور اس میں روسٹ کی ہوئی چکن ڈال کر اس میں ایک ایلومنیم کی کٹوری رکھیں اور اس پر جلتا ہوا کوئلہ اورکھانے کا تیل ڈال کر ڈھکنا بند کر دیں اور دو منٹ بعد ڈھکنا ہٹا دیں ۔
آپکی مزیدار چکن مندی تیار ہے۔
