طلاق کسی بھی شادی شدہ جوڑے کے لئے زندگی کا سب سے مشکل مرحلہ ہوتا ہے، برِصغیر کے سماجی ماحول میں اسے ایک ٹیبو کے طور پر بھی دیکھا جاتا ہے۔

یہ بھی پڑھیں: شادی کے بعد بولی وڈ سے اچانک غائب ہوجانے والی اداکارائیں

لیکن آج ہم آپ کو جن بولی وڈ اداکاراؤں کے بارے میں بتانے جارہے ہیں، طلاق کے بعد ان کی تو قسمت ہی بدل گئی اور وہ شہرت کی اونچائیوں کو پہنچ گئیں۔

ملیکا شراوت

بولی وڈ کی آئٹم گرل ملیکا شراوت نے انڈسٹری میں کام کرنے کے لئے اپنے شوہر کرن سنگھ گل سے طلاق لی۔ انہیں فلم 'مرڈر' سے حقیقی بریک تھرو ملا۔

راکھی گلزار

راکھی گلزار کی شادی نوعمری میں ہی ایک بنگالی صحافی اور ڈائریکٹر اجے بسواس سے ہوئی تھی، جس کا اختتام کچھ ہی وقت میں ہوگیا۔ بعد میں راکھی کو 'شرمیلی، لال پتھر اور پارس' جیسی فلموں سے شہرت ملی۔

ماہی گِل

ماہی گِل کو بھی اپنے چند کرداروں کی وجہ سے خاصی شہرت ملی۔ انہیں بھی 'بیوی اور گینگسٹر' جیسے کردار طلاق کے بعد ہی ملے۔

ادیتی راؤ حیدری

ادیتی کی شادی 21 سال کی عمر میں ستیادیپ مرزا سے ہوئی تاہم جب انہوں نے اپنے کیریئر کا آغاز کیا تو اس بات کو کوئی نہیں جانتا تھا۔ بعد ازاں 2013 میں انہوں نے یہ بات سب کو بتائی کہ وہ طلاق یافتہ ہیں۔

چِترن گڑا سنگھ

ان کی شادی ایک گالفر جوتی رندھاوا سے ہوئی، ان کی شادی 2013 میں جبکہ طلاق 2014 میں ہوئی۔ ان کا ایک بیٹا زورآور بھی ہے۔ ان کا گانا 'آؤ راجا' یوٹیوب پر سب سے زیادہ دیکھی جانے والی ویڈیوز میں شمار ہوتا ہے۔

Thanks to viral.laughingcolours