حال ہی میں ان کی آنے والی فلم کا گانا 'مانیکیا مالارایا پووی' ریلیز ہوا تھا۔ جس کی پوری ویڈیو کو دیکھ کر لوگ ان کے اور بھی زیادہ دیوانے ہوگئے۔ حیرت کی بات ہے کہ 19 سالہ لڑکی اتنے کم عرصے میں انٹرنیٹ سینسیشن بننے والی شاید پہلی اداکارہ ہیں۔

سماجی رابطوں کی ویب سائٹ پر بھارت کے ساتھ ساتھ پورے دنیا سے ان کے فالوورز بڑھتے جارہے ہیں۔ ویڈیو وائرل ہونے کے بعد سے ایک ماہ کے دوران ان کے فالوورز کی تعداد 2 اعشاریہ 1 ہزار سے بڑھ کر 5 اعشاریہ 1 ملین تک پہنچ گئی ہے۔

پریا پرکاش اب اشتہاراتی دنیا میں بھی مشہور ہوتی جارہی ہیں۔ بہت سے ایڈورٹائیزنگ کمپنیاں اپنی مصنوعات کو انسٹاگرام پر پروموٹ کرنے کے لئے پریا پرکاش کا سہارا لے رہی ہیں۔

ایک معروف ویب سائٹ کی رپورٹ کے مطابق پریا پرکاش ایک پروموشنل اشتہار کی پوسٹ کے عوض 8 لاکھ روپے وصول کرتی ہیں۔