اسلام آباد: وفاقی حکومت نے کاروباری برادری کو انتہائی اہم خوشخبری سناتے ہوئے ایک نیا پیکج جاری کرنے کا اعلان کیا ہے۔ جو ٹیکسٹائل سیکٹر کیلئےجاری کیا جائے گا۔
وزارت خزانہ نے پیکج میں بجلی اور گیس کی قیمت کم کرنے کا فیصلہ کیا ہے، جس کے تحت بجلی کی قیمت میں 2 روپے 50 پیسے فی یونٹ کمی کی تجویز دی گئی ہے۔
بجلی کی قیمت 11.50 سینٹ سے کم کرکے 7.5 سینٹ فی یونٹ مقرر کرنے کی تجویز کی گئی ہے، جبکہ گیس کی قیمت 1600 روپے سے 800 روپے ایم ایم بی ٹی یو کرنے کی تجویز کی گئی ہے۔
گیس اور بجلی کی قیمت 5 سال کیلئےمقرر کی جائے گی۔ قیمتوں میں کمی صرف ایکسپورٹ سیکٹر کیلئےہوگی۔ جبکہ ٹیکسٹائل سیکٹر کیلئے ملک میں گیس اور بجلی کی یکساں قیمتیں ہوں گی۔
قیمتوں میں کمی کی منظوری اگلے دو ہفتے تک دیئے جانے کا امکان ہے۔
