اجزاء:
کسٹرڈ۔۔۔۔۔۔۔۔۔۔۔۔۔۔۔۔۔۔۔ 2 پیکٹ
کیلے۔۔۔۔۔۔۔۔۔۔۔۔۔۔۔۔۔۔۔۔ 4 عدد
انگور۔۔۔۔۔۔۔۔۔۔۔۔۔۔۔۔۔۔۔۔ 100 گرام
دودھ۔۔۔۔۔۔۔۔۔۔۔۔۔۔۔۔۔۔۔۔ ایک لیٹر
چینی۔۔۔۔۔۔۔۔۔۔۔۔۔۔۔۔۔۔۔۔ آدھی پیالی
ترکیب:
٭ سب سے پہلے کیلے چھیل کر گول قتلے کاٹ لیجئے اور انگور کے دانے ڈنڈیوں سے علیحدہ کر کے صاف کر لیجئے۔
٭ اب ایک دیگچی میں دودھ ڈال کر چولہے پر چڑھا دیجئے۔
٭ اب تھوڑے سے دودھ یا پانی میں کسٹرڈ گھول لیجئے۔
٭ جب دودھ ابلنے لگے تو اس میں کسٹرڈ ڈال دیجئے اور ساتھ ساتھ چمچ ہلاتے جائیے تاکہ گٹھلی نہ بننے پائے۔
٭ تھوڑا سا گاڑھا ہونے پر چینی ڈال دیجئے اور مزید پکائیے۔
٭ گاڑھا ہونے پر اتار لیجئے۔
٭ اب ایک شیشے کے پیالے میں آدھا کسٹرڈ ڈالیے۔
٭ اب کیلے کے قتلے اور انگور کے دانے ڈال کر اوپر باقی کسٹرڈ ڈال دیجئے اور ٹھنڈا کر کے فریج میں رکھ دیجئے۔
٭ آپ کا اسپیشل فروٹ کسٹرڈ تیار ہے۔
نوٹ: اس میں مزید پھل بھی شامل کئے جاسکتے ہیں۔
