وفاقی وزیربرائے نجکاری میاں محمد سومرو نے کہا ہے کہ رواں مالی سال میں 18 اداروں کے حصص کی نجکاری کی جائے گی۔اسٹیل ملزکی بحالی کےلئے ‏اسٹریٹجک پارٹنرشپ پرغورکررہےہیں۔فردوس عاشق اعوان نے کہاکہ ادارے قومی خزانے پربوجھ ہیں ان کا ‏بوجھ اتارا جائے گا۔

اسلام آباد میں وفاقی وزیربرائے نجکاری میاں محمد سومروکے ہمراہ پریس ‏کانفرنس سے خطاب کرتے ہوئے معاون خصوصی اطلاعات فردوس عاشق اعوان ‏نے کہا کہ میاں محمد سومروکی صدارت میں نجکاری کا عمل شروع کیا جا رہا ‏ہے۔ اداروں کی نجکاری کے ذریعے سرمایہ منافع بخش اداروں کےلئے خرچ ہو‏گا۔جو ادارے قومی خزانے پربوجھ ہیں ان کا بوجھ اتارا جائے گا۔

‏میاں محمد سومرو نے بتایا کہ رواں مالی سال میں18 اداروں کے حصص کی ‏نجکاری کی جائے گی۔جاپان اورکوریا سمیت بیرون ممالک پاکستان کی نجکاری ‏پروگرام میں بہت زیادہ دلچسپی ظاہرکر رہے ہیں۔

سیکریٹری نجکاری کمیشن رضوان ملک نے اوجی ڈی سی ایل کے شیئرگرنے ‏سے متعلق غلط خبروں کی تردید کرتے ہوئے بتایا کہ اوجی ڈی سی ایل کے سات ‏فیصد شیئر فروخت کیے جائیں گے۔اسٹیل ملز کی بحالی کےلئے اسٹریٹجک ‏پارٹنرشپ پرغورکررہےہیں۔اسٹیل ملزکی بحالی کےلئے فنانشل ایڈوائزر تعینات ‏کر لیا گیا ہے۔