وزیراعظم عمران خان کی زیرصدارت وفاقی کابینہ کا اجلاس 18 فروری کو ہوگا۔بچوں کے حقوق سے متعلق قومی کمیشن ،وزارت بین الصوبائی رابطہ میں مشترکہ مفادات کونسل کے سیکریٹریٹ کے قیام اور بھارت سے ایک بار کے لئے کیڑے مار ادویات کی درآمد کی منظوری ایجنڈے میں شامل ہے۔گیس،بجلی کے بلوں اور پاکستان اسٹیل ملز سے متعلق امور پر بھی تبادلہ خیال کیا جائے گا۔

وفاقی کابینہ کے اجلاس میں 12 نکاتی ایجنڈا منظوری کےلئے پیش کیا جائے گا۔احساس پروگرام سے متعلق پارلیمنٹرینز کی تجاویز  پر ثانیہ نشتر بریفنگ دیں گی۔

مشیر خزانہ دالوں پر ریگولیٹری ڈیوٹی سےمتعلق  کابینہ کو آگاہ کریں گے۔

پاکستان نرسنگ کونسل کے ممبران کی تعیناتی اور پاکستان منرل ڈویلپمنٹ کارپوریشن کے ایم ڈی کی تقرری کی منظوری بھی ایجنڈے میں شامل ہے۔