وزارت توانائی نے کے الیکٹرک کے الزامات کو مسترد کرتے ہوئے کہا ہے کہ ایندھن فراہمی کو لوڈشیڈنگ کے ساتھ جوڑنا کراچی کے عوام سے حقائق چھپانے کے مترادف ہے۔

وزارت توانائی نے کے الیکٹرک کا موقف مسترد کرتے ہوئے کہا ہے کہ کراچی میں لوڈشیڈنگ کی وجہ فیول کی عدم فراہمی نہیں۔ایندھن فراہمی کو لوڈشیڈنگ سے نتھی کرنا درست نہیں۔

کے الیکٹرک کو100ایم ایم سی ایف ڈی اضافی گیس مل رہی ہے۔ملکی پیداوار کا 80فیصد فرنس آئل کے الیکٹرک کو مل رہا ہے ۔حقیقت یہ ہے کہ کے الیکٹرک نے اپنے سسٹم میں سرمایہ کاری نہیں کی۔وفاق نےکے الیکٹرک کو 1000میگاواٹ بجلی دینےکی آفربھی کی ہے۔بن قاسم پاورپلانٹ چلانے کےلئے مزید500ٹن فرنس آئل کی پیشکش بھی کی لیکن کے الیکٹرک نے اپنے سسٹم کو بہتر نہیں بنایاکہ اضافی بجلی لے سکے۔