چیئرمین پیپلزپارٹی بلاول بھٹو زرداری نے صحافی مطیع اللہ جان کے گھرجاکر ان سے ملاقات کی۔اغواء اورتشدد کی مذمت کرتے ہوئے کہا کہ پیپلزپارٹی ہردورمیں میڈیا کی آزادی کے لئے لڑی ہے۔

پیپلزپارٹی کے چیئرمین بلاول بھٹوزرداری کی صحافی مطیع اللہ جان سے ملاقات کرکے ان کے اغواء اورتشدد پرمذمت کی ہے۔

اس موقع پر بلاول بھٹو کا کہنا تھا کہ حکومت ویب چینلز پرحکومتی نااہلیوں کوبےنقاب کرنے والے صحافیوں کوبھی برداشت نہیں کررہی۔پی ٹی آئی حکومت اتنی کمزور ہے کہ کسی بھی صحافی کی ایک تنقیدی ٹویٹ سے بوکھلا جاتی ہے۔

بلاول کا کہنا تھا کہ پیپلزپارٹی ہر دور میں میڈیا کی آزادی کے لئے لڑی ۔ میڈیا ورکرز کو ہم کسی حال میں تنہا نہیں چھوڑیں گے۔