اسلام آباد: وفاقی وزیر سائنس و ٹیکنالوجی فواد چوہدری کا کہنا ہے کہ نوازشریف کیخلاف مقدمات فوری طور پر شروع کرنا چاہئیں اور وہ ویڈیو لنک کے ذریعے کارروائی میں پیش ہوں۔

سماجی رابطے کی ویب سائٹ ٹوئٹر پر فواد چوہدری نے لکھا کہ پیر کے روز احتساب عدالت آصف زرداری پر بذریعہ ویڈیو لنک فرد جرم عائد کرنے جا رہی ہے، عدالتوں میں ٹیکنالوجی کا استعمال انتہائی خوش آئند ہے۔

کل احتساب عدالت آصف زرداری کو بذریعہ ویڈیو لنک چارج کرنے جا رہی ہے،عدالتوں میں ٹیکنالوجی کا استعمال انتہائ خوش آئند ہے سوال یہ ہے کہ نوازشریف کے خلاف مقدمات میں ٹیکنالوجی استعمال کیوں نہیں کی جارہی ان کیخلاف مقدمات کو فوری طور پر شروع کرنا چاہئے اور نوازشریف ویڈیو لنک سے شامل ہوں

— Ch Fawad Hussain (@fawadchaudhry) August 9, 2020

فواد چوہدری نے مطالبہ کیا کہ جس طرح آصف زرداری سے متعلق ویڈیو لنک کا استعمال ہورہا ہے، نوازشریف کیخلاف مقدمات میں ٹیکنالوجی استعمال کیوں نہیں کی جارہی؟مقدمات فوری شروع کرنے چاہئیں، نوازشریف ویڈیولنک سے شامل ہوں۔

خیال رہے کہ گزشتہ روز احتساب عدالت نے پارک لین کیس میں نامزد پیپلزپارٹی کے شریک چیئرمین اور سابق صدر آصف زرداری پر فرد جرم کی تاریخ مقرر کرنے کا حکم نامہ جاری کردیا ہے۔