ایف آئی اے کی جے آئی ٹی نے جہانگیر ترین کی کمپنی جے ڈبلیو ڈی کے خلاف منی لانڈرنگ کی تحقیقات شروع کر دیں۔ پانچ شہروں کے ڈپٹی کمشنرز کو خط لکھ دیے گئے ۔جہانگیر ترین کے خاندان سمیت 22 افراد اور کمپنیوں کا ڈیٹا مانگا گیا۔

ذرائع کے مطابق ایف آئی اے نے ملتان، لاہور،کراچی،اسلام آباد اور رحیم یارخان کے ڈپٹی کمشنرز کو خطوط لکھ دیے۔جے آئی ٹی نے ایل ڈی اےاور سی ڈی اے کے سربراہان سے بھی تفصیلات طلب کی ہیں۔

جہانگیرترین کےبیٹے علی ترین کا بھی ریکارڈ مانگا گیا۔منقولہ اور غیر منقولہ جائیداد، تمام بینک اکاؤنٹس کی تفصیلات اور سیکیورٹی ایکسچینج کمیشن آف پاکستان سے جہانگیر ترین کے نام پر دیگر کمپنیوں کی تفصیلات بھی طلب کی گئیں۔