اسلام آباد: پاکستان کے معروف فولک گلوکار شفاء اللہ خان روکھڑی حرکت قلب بند ہونے کے باعث خالق حقیقی سے جاملے، اُن کی نماز جنازہ میانوالی میں ادا کی جائے گی۔

تفصیلات کے مطابق معروف سرائیکی گائیک شفاء اللہ خان روکھڑی کا انتقال دل کا دورہ پڑنے سے ہوا، اُن کی میت کو اسلام آباد سے میانوالی منتقل کیا جارہا ہے۔

گلوکار کے انتقال پر وزیراعظم عمران خان کی سابق اہلیہ ریحام خان نے بھی ٹویٹ کرتے ہوئے افسوس کا اظہار کیا اور اُن کیلئے دعائے مغفرت بھی کی۔

انہوں نے ہزار سے زائد گانوں میں اپنی آواز کا جادو جگایا مگر 'اج کالا جوڑا پا ساڈی فرمائش تے' گانا اُن کی پہچان بنا۔