معروف ریسلر اور امریکی ٹی وی اداکار اسٹیو لی 54 برس کی عمر میں چل بسے، اہلخانہ نے ان کی اچانک موت کی تصدیق کردی۔

غیرملکی خبر رساں ادارے کے مطابق ٹی این اے ریسلر و اداکار اسٹیو لی کا انتقال بدھ کی صبح اپنے گھر میں اچانک ہوا۔

امپیکٹ ریسلنگ (جسے عمومی طور پر ٹی این اے کے نام سے جانا جاتا ہے) نے ایک ٹویٹ میں اسٹیو لی کی موت پر گہرے دکھ کا اظہار کیا۔

ٹویٹ میں کہا گیا کہ ٹی این اے کے ابتدائی دنوں میں اسٹیو لی ریسلنگ کے اسٹیج پر 'پپٹ آف دا سائیکو ڈوارف' کے نام سے جانے جاتے تھے۔

اسٹیو لی ریسلنگ اور مزاحیہ فلم جیکیس تھری ڈی میں اداکاری کی وجہ سے مشہور تھے، ان کی اچانک موت کی وجہ تاحال معلوم نہیں ہوسکی ہے۔