اسلام آباد:وفاقی وزیر اسد عمرنے کہاہے کہ کورونا وائرس دوسری لہر خطرناک ہوسکتی ، کورونا ایس او پیز پر سنجیدگی سے عملدرآمد کی ضرورت ہے۔

وفاقی وزیرمنصوبہ بندی اسد عمر نے سماجی رابطے کی ویب سائٹ ٹوئٹر پر اپنے ٹوئٹ کے ذریعے آگاہ کیاکہ ملک بھر میں کورونا کیسزبڑھ رہے ہیں، گزشتہ روز قومی سطح پر کورونا کے مثبت کیسز 2.37فیصدر ہے ،مثبت کیسز کے یہ اعداد وشمار50 روزمیں سب سے زیادہ ہیں، آخری بار مثبت کیسز کا یہ رجحان 23 اگست کو دیکھا گیا تھا۔

اسد عمر نے اموات سے متعلق بتایاکہ رواں ہفتے کے پہلے 4 روز کورونا سے روزانہ 11 اموات ہو رہی ہیں یہ شرح 10 اگست کے بعد سب سے زیادہ ہے ۔

National positivity of covid cases was 2.37% yesterday. This is the highest positivity in more than 50 days. Last time this level was seen on aug 23. First 4 days of this week covid deaths average is 11 per day..highest since week of Aug 10th. Unmistakable signs of rise of corona

— Asad Umar (@Asad_Umar) October 15, 2020

وفاقی وزیر کا کہنا تھا کہ مظفرآباد میں کورونا کے مثبت کیسز سب سے زیادہ ہیں ، کراچی میں کورونا کیسز کی سطح بلند جبکہ لاہور اوراسلام آباد میں بھی اضافہ ہو رہا ہے۔

سربراہ این سی او سی نے مزید کہا کہ موقع ہے ہم سب کورونا سے بچاؤ کیلئے حفاظتی اقدامات کو سنجیدہ لیں ورنہ دوسری صورت میں حکومت کو سخت اقدامات کرنے پڑیں گے۔

Covid positivity is extremely high in muzaffarabad, remains high in karachi, rising in lahore & Islamabad. Time for all of us to take covid sop's seriously again. Otherwise, unfortunately we may have to take restrictive actions which have negative effects on peoples livelihoods

— Asad Umar (@Asad_Umar) October 15, 2020