بالی ووڈ کے معروف اداکار اور کامیڈین وجے راز کو جنسی ہراسانی کے کیس میں گرفتار کرلیا گیا۔

بھارتی میڈیا کے مطابق 57 سالہ اداکار وجے راز کو پیر کے روز ریاست مہاراشٹر کے شہر گونڈیا کے ایک ہوٹل سے گرفتار کیا گیا تھا۔

پولیس حکام کا کہنا ہے کہ وجے راز پر الزام ہے کہ انہوں نے ریاست مدھیہ پردیش میں فلم ’شیرنی‘ کی شوٹنگ کے دوران ایک ساتھی اداکارہ کو جنسی طور پر ہراساں کیا تھا۔

خبر ایجنسی اے این آئی کے مطابق وجے راز پیر کو گرفتار ہوئے تھے تاہم یہ خبر منگل کو سامنے آئی ہے۔

بھارتی ذرائع ابلاغ کے مطابق گونڈیا سے گرفتار ہونے والے وجے راز کو ایک مقامی عدالت نے منگل کے روز ضمانت پر رہا کردیا ہے۔