وینا ملک کے سابق شوہر اسد خٹک کو بچوں کی یاد ستانے لگی، ڈیڑھ سال بعد منظرعام پر آگئے۔ اُن کا کہنا ہے کہ بچوں سے ملنے بھی نہیں دیا جارہا۔
اسد خٹک کا مزید کہنا ہے کہ وینا ملک نے بچوں کو پاکستان اسمگل کردیا اور اب تو دھمکیاں بھی دی جارہی ہیں، حکومت پاکستان نوٹس لے۔
سابق شوہر کا اپنی ہی سابقہ بیوی پر بچے اسمگل کرنے کا الزام، اپنے ویڈیو بیان میں اسد خٹک نے کہا کہ ڈیڑھ سال ہوگیا بچوں سے بات بھی نہیں کرنے دی جارہی، میرے بچے امریکی شہری ہیں لیکن وینا نے دبئی سے پاکستان اسمگل کردیئے۔
اسد خٹک کا کہنا تھا کہ وینا ملک نے تین ملکوں کی ساکھ داؤ پر لگادی ہے، حکومت پاکستان نوٹس لے۔ انہوں نے وینا ملک کو پچاس کروڑ روپے ہرجانے کا نوٹس بھی بھیج دیا۔