لاہور کی انسداددہشتگردی عدالت میں موٹروے خاتون زیادتی کیس پر سماعت کی۔عدالت نے مرکزی ملزم عابد ملہی کو 14روزہ جوڈیشل ریمانڈ پر جیل بھیج دیا۔ انسداد دہشتگردی عدالت لاہور کے جج ارشد حسین بھٹہ نے کیس پر سماعت کی۔پولیس نے موٹروے زیادتی کیس کے مرکزی ملزم عابد ملہی کو جسمانی ریمانڈ ختم ہونے پر عدالت میں پیش کیا۔تفتیشی افسر کی جانب سے رپورٹ عدالت میں پیش کی گئی۔ عدالت نے آئندہ سماعت پر مقدمے کا چالان پیش کرنے کا حکم دیتے ہوئے ملزم عابد ملہی کو14ہ روزہ جوڈیشل ریمانڈ پر جیل بھیج دیا۔