مسلم لیگی رہنما مریم نواز کے ہاتھ میں تھامے ایک گلاس پر ڈاکٹر شہباز گل نے تبصرہ کیا ہے۔
مسلم لیگ ن کی مرکزی نائب صدر اور سابق وزیراعظم نواز شریف کی صاحبزادی مریم نواز نے گزشتہ روز شہید محترمہ بے نظیر بھٹو کی برسی کے موقع پر گڑھی خدا بخش کا دورہ کیا اور جلسے سے خطاب بھی کیا۔
اس مو قع پر کئی مرتبہ مریم نواز کے ہاتھ میں ایک گلاس تھامے دیکھا گیا جس کے بارے میں سوشل میڈیا پر تصاویر اور تبصرے شئیر ہو رہے ہیں۔
تاہم وزیراعظم کے معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر ایک مختصر سی ٹوئٹ کر کے اس گلاس کی حقیقت سے پردہ اٹھا دیا۔
انہوں نے لکھا کہ یہ اصل میں عمر و عیار کی زنبیل کا گلاس ہے، جھوٹ بولنے والی باجی کو یہ بتایا گیا ہے کہ اس کو پکڑ کر رکھیں گی تو ان کی عیاری پکڑی نہیں جائے گی۔
واضح رہے کہ اس سے قبل رواں سال ہی نيب پيشی کيلئے روانگی سے پہلے مريم نواز کے ہاتھ ميں ايک سنہری گلاس نظر آيا تھا، مريم اس گلاس کو بہت احتياط سے تھامے ہوئے گاڑی تک پہنچيں تو ان کے شوہر کيپٹن (ر) صفدر نے بھی گلاس کو بڑے احترام سے پکڑا۔
اس گلاس ميں کيا خاص بات تھی اور ہے؟ فی الحال تو اس کی حقیقت پوشیدہ ہی ہے۔
