لاہور:پنجاب کی مختلف قومی شاہراہوں پر شدید دھند کا راج ہے،موٹروے ایم 3کو لاہور سے عبدالحکیم تک دھند کےباعث بندکر دیا گیا۔
خانیوال سے ملتان موٹروے بھی دھند کے باعث بند ہیں جبکہ قومی شاہراہ پرمانگا منڈی، پھول نگر، پتوکی، اوکاڑہ، ساہیوال، ہڑپہ، میاں چنوں اور چیچہ وطنی سمیت متعدد علاقے شدید دھند کی لپیٹ میں ہیں۔
قومی شاہراہ پران علاقوں میں شدید دھند کے باعث حد نگاہ 30میٹر رہ گئی ہے،جس کی وجہ سے ٹریفک کی روانی متاثر ہے۔
ترجمان موٹروے پولیس کا کہنا ہےکہ شہری غیرضروری سفرسے گریز کریں اورڈرائیونگ کے دوران گاڑیوں میں فوگ لائٹس کا استعمال کریں۔
