لاہور میں معروف گلوکار بلال سعید کا بھائی اور اس کی دوست سے لڑائی جھگڑے کی فوٹیج منظر عام پر آگئی۔ موقع پر موجود ڈولفن اہلکار بیچ بچاؤ کرتے رہے۔
مشہور گلوکار بلال سعید آپے سے باہر، بھائی اور اس کی دوست پر لاتوں اور گھونسوں کی بوچھاڑ کردی، واقعے کی موبائل فوٹیج میں بلال سعید کو ڈولفن اہلکاروں کی موجودگی میں تشدد کرتے دیکھا جاسکتا ہے۔
فوٹیج میں ڈولفن اہلکار بلال سعید کو قابو کرنے کی کوشش کرتے بھی دکھائی دیے۔
پولیس کے مطابق واقعہ کئی روز قبل سندر کے علاقے میں پیش آیا تھا۔ بلال سعید کی جانب سے کارروائی کیلئے تھانہ سندر میں درخواست دی گئی تھی، بعد ازاں گلوکار اور ان کے بھائی کے درمیان صلح بھی ہو چکی ہے۔