پاکستان سپرلیگ سیزن 6 کے بقیہ میچز یکم جون سے کراچی میں شروع ہوں گے۔لیگ کا فائنل 20 جون کو کھیلا جائےگا۔پی ایس ایل کےلئے کھلاڑی 22 مئی کو بائیو اسکیور ببل میں رپورٹ کریں گے۔

پی ایس ایل سیزن چھ کے بقیہ میچز کا شیڈول جاری کردیا گیا۔ یکم جون سے میلہ کراچی میں سجے گا۔ملکی و غیر ملکی کھلاڑی 22 مئی سے 7روز تک قرنطینہ میں رہیں گے۔

پہلے میچ میں لاہور قلندرز اور اسلام آباد یونائیٹڈ آمنے سامنے ہوں گے۔کوالیفائر اور ایلیمنٹرز بالترتیب 16، 17 اور 18 جون کو ہوں گے۔فائنل معرکہ 20 جون کو ہو گا۔دو ڈبل ہیڈرز کے علاوہ تمام میچز شام پانچ بجے شروع ہوں گے۔ اسٹیڈیم میں تماشائیوں کو اجازت نہیں ہو گی۔

پی سی بی نے بائیو سیکیور ببل بنانے اور اس کے پروٹوکولز پر سختی سے عملدرآمد کرانے کےلئےغیر ملکی کمپنی کی خدمات حاصل کر لی ہیں۔