چکن فارمرز کی منافع خوری عروج پر پہنچ گئی، کراچی میں مرغی کا گوشت پانچ سو ساٹھ روپے کلو ہوگیا، شہری کہتے ہیں قیمت اتنی زیادہ ہوگئی ہے کہ گوشت خریدنا ممکن نہیں رہا۔
اندھیر نگری چوپٹ راج کراچی میں چکن فارمرز کی دیدہ دلیری جاری ہے ،
زندہ مرغی تین سو تیس روپے کردی جس کے بعد دکانداروں نے گوشت پانچ سو ساٹھ روپے کلو کردیا۔ آئے روز بڑھتے دام نے شہریوں کو پریشان کردیا۔
دکانداروں کے پاس وہی گھسا پٹا بہانا موجود ہے پیچھے سے مہنگا ملتا ہے۔
کمشنر کراچی کی لسٹ کے مطابق بیچنا ممکن نہیں۔ بازار میں مرغی کے گوشت کا سرکاری نرخ دو سو چودہ روپے ہے لیکن فروخت پانچ سو بیس سے پانچ سو ساٹھ روپے میں جاری ہے۔