اپوزیشن لیڈرشہبازشریف نے پانی کی تقسیم کے مسئلے پر صوبوں کے درمیان اختلافات پر تشویش کا اظہار کیا ہے۔ کہتے ہیں عمران خان پانی کے مسئلے پر وفاقی اکائیوں کے اتحاد اور ملکی سلامتی داو پر نہ لگائیں۔

اپنےایک بیان میں اپوزیشن لیڈر شہباز شریف نے کہا ہے کہ پانی کی تقسیم حساس معاملہ ہے۔مسئلے پر سندھ اور پنجاب میں محاذ آرائی افسوسناک ہے۔پانی کی تقسیم پر غیر ذمہ داری خطرناک ہو سکتی ہے۔ ابھی تک وفاقی حکومت اور ارسا دونوں اپنے فرائض ادا کرنے میں ناکام نظر آرہے ہیں۔

شہبازشریف نےکہاکہ سندھ کے شہروں میں پانی کی کمی پر مظاہرے نیک فال نہیں،وزیراعظم عمران خان وفاقی اکائیوں کے اتحاد اورملکی سلامتی داو پر نہ لگائیں۔