مئی کے ماہانہ فیول چارجزایڈجسٹمنٹ کی مد میں26 پیسے فی یونٹ کمی کردی گئی۔ سی پی پی اے نے12 پیسے فی یونٹ کمی کی درخواست کی تھی۔

نوٹیفیکیشن کے مطابق اس کا اطلاق صرف جولائی کے مہینے کے بلوں پر ہوگا۔

نیپرا کے مطابق فیول پرائس ایڈجسٹمنٹ کا اطلاق کے الیکٹرک صارفین پر بھی نہیں ہوگا۔

دوسری جانب وزیر توانائی حماد اظہر نے کہا ہے کہ بجلی کی پیدواری صلاحیت بہت زیادہ ہے، ان کا کہنا تھا کہ چند روز غیراعلانیہ لوڈ شیڈنگ ختم کردی گئی۔

حماد اظہر کا مزید کہنا تھاکہ ترسیل کے نظام میں 4 ہزارمیگاواٹ بجلی مزید شامل کی۔

انہوں نے مزید کہا کہ ہوسکتا ہے کہ ٹرپنگ، اووہیٹنگ یا طوفان سے لوڈ شیڈنگ ہورہی ہے۔

اضافی بجلی پیدا کرنے پر حماد اظہر نے شہباز شریف پر تنقید کی اور کہا کہ 1،2 ماہ تو طلب میں اضافہ ہوتا ہے۔

حماد اظہر کا کہنا تھا کہ پورے سال کی 16 ہزار میگاواٹ سے بھی زیادہ بجلی پیدا کردی، انہوں نے سوال کیا کہ شہبازبتائیں کہ باقی 10 ماہ بجلی کے کرایہ کے پیسے کون ادا کرے گا۔