متحدہ عرب امارات میں بڑھتی ہوئی گرمی سے نمٹنے کیلئے مصنوعی بارش کا سہارا لیا جارہا ہے اور وہاں پر مصنوعی بارش کیلئے کلاوڈ سیڈنگ ٹیکنالوجی کا استعمال کیا جارہ ہے۔

کلاوڈ سیڈنگ ٹیکنالوجی میں ڈرونز کو بادلوں میں بھیجا جاتا ہے جہاں یہ بادلوں کو الیکٹرک چارج کرکے ان کو ساتھ جمع ہونے اور پھر بارش برسانے پر مجبور کرتے ہیں ۔

متحدہ عرب امارات کا شمار ان ممالک میں ہوتا ہے جہاں پر گرمی کی بڑھتی ہوئی شدت اور قحط سے نمٹنے کیلئے مصنوعی بارش کا سہارا لیا جارہا ہے۔

امارات کی خلیفہ یونیورسٹی آف سائنس اینڈ ٹیکنالوجی کی پروفیسر لنڈا زو کا موقف ہے کہ دنیا بھر میں پانی کی قلت میں اضافہ ہورہا ہے اسلئے تازہ پانی کی طلب بڑھ رہی ہے۔

ان کا مزید کہنا تھا کہ کلاوڈ سیڈنگ ٹیکنالوجی کے ذریعے اس مسئلے پر قابو پایا جاسکتا ہے۔

Source: hamoindia.com