لاہور میں کورونا اور ڈینگی وائرس کے بعد کانگو وائرس کا خطرہ بھی منڈلانے لگا۔ میو اسپتال میں کانگو وائرس سے متاثرہ ایک بچے کو قرنطینہ کر دیا گیا ہے۔

ترجمان میو اسپتال کے مطابق کانگو وائرس سے متاثرہ پہلا مریض میو اسپتال میں داخل کیا گیا ہے، 14 سالہ سفیان کو بخار اور منہ سے خون بہنے کی شکایت کے ساتھ اسپتال لایا گیا تھا۔

سفیان کا تعلق شخیوپورہ سے ہے اور وہ لاہور میں ایک پیپر فیکٹری میں کام کرتا ہے۔

ترجمان کے مطابق مریض کو اسپتال میں قرنطینہ کر دیا گیا ہے، ہیڈ اف میڈیسن ڈپارٹمنٹ پروفیسر بلقیس مریض کا علاج کریں گی۔