پاکستانی ٹک ٹاک اسٹار اور ماڈل حریم شاہ پر شوٹنگ کے دوران شیر کے حملہ کرنے کی ویڈیو سوشل میڈیا پر وائرل ہوگئی۔

انسٹاگرام اکاؤنٹ پر حریم شاہ کی جانب سے ایک ویڈیو شیئر کی گئی جس میں دیکھا جا سکتا ہے کہ حریم شاہ شوٹنگ کیلئے تیار کھڑی ہیں جبکہ اسی دوران ایک شخص شیر کو لے کر آتا ہے، جو حریم کی جانب بڑھتا ہے۔

تاہم وڈیو میں موجود شخص شیر کو حریم شاہ کی جانب بڑھنے سے روکتا پے جبکہ شیر بار بار حملہ کرنے کی کوشش کرتا ہے۔

اسی دوران حریم شاہ شیر کو اپنی جانب بڑھتا دیکھ کر چیختی ہیں جبکہ وہاں موجود شخص ان کو بچانے کی کوشش کرتا ہے۔

ٹک ٹاک اسٹار حریم شاہ نے واضح نہیں کیا کہ یہ واقعہ کہاں اور کب پیش آیا۔

علاوہ ازیں انہوں نے یہ بھی نہیں بتایا کہ وہ شیر کے ساتھ ہی شوٹنگ کروارہی تھیں یا وہ اچانک ہی وہاں آگیا تھا۔