ممبئی: بالی ووڈ کے نامور ستارے عالیہ بھٹ اور رنبیر کپور شادی کے بندھن میں بند گئے ہیں۔

بھارتی میڈیا کے مطابق سوشل میڈیا صارفین کی جانب سے اداکاروں کی شادی کے تذکرے کیے جارہے تھے اور پھر گزشتہ روز شادی کی تقریب کے موقع پر رنبیر کپور کی والدہ اداکارہ نیتو کپور اور بہن ردھیما کپور نے خود شادی کی تصدیق کی جس کے بعد ٹوئٹر پر عالیہ اور رنبیر کی شادی کا ہیش ٹیگ ٹاپ ٹرینڈ بن گیا تھا۔

اداکارہ عالیہ بھٹ کی جانب سے شوہر رنبیر کپور کے ہمراہ سوشل میڈیا پر تصاویر شیئر کردی گئی ہیں جبکہ تصاویر پوسٹ کرتے ہوئے عالیہ نے ایک خوبصورت پیغام بھی لکھا ہے۔

اسنٹاگرام پوسٹ میں عالیہ بھٹ نے لکھا کہ “آج، ہمارے اہلِ خانہ اور دوستوں کے درمیان گھر میں ہمارے اس پسندیدہ مقام یعنی بالکونی جہاں ہم نے اپنے تعلقات کے آخری 5 سال گزارے ہیں اور اسی مقام پر ہماری شادی ہوگئی ہے"۔