اسلام آباد: صدر مملکت ڈاکٹر عارف علوی نے مبینہ بیرونی سازش کی تحقیقات کرانے کیلئے جوڈیشن کمیشن تشکیل دینے پر چیف جسٹس پاکستان کو خط لکھ دیا۔
ایوان صدر کے جاری کردہ اعلامیے کے مطابق صدر علوی کا کہنا ہے کہ سازش کی تحقیقات کیلئےجوڈیشل کمیشن بنایا جائے جس کی سربراہی چیف جسٹس عمر عطا بندیال خود کریں۔
صدر مملکت کا کہنا تھا کہ ملک میں سنگین سیاسی بحران منڈلا رہا ہے، حالیہ واقعات سےعوام میں سیاسی تفریق بھی پیدا ہورہی ہے، سیاسی و معاشی بحران کو بگڑنے سے روکنے کی ضرورت ہے جس میں تمام اداروں کو ملک کونقصان سے بچانےکیلئےکوششیں کرنی چاہیئے۔
